Lotu

Zer da LOTU zigilua?

LOTU zigilua sortu egin da bereizteko eraikuntza sektoreko zein enpresek parte hartu duten aktiboki arriskuen prebentzioko programa hau zabaltzen eta garatzen.

Nork eska dezake LOTU zigilua?

LOTU zigilua eraikuntzaren sektoreko edozein enpresak eska dezake, Euskadiko lurralde historikoetako batean baldin badago eta lantokietan programaren gomendioak zabaltzen baldin baditu eta kontrol galdeketak betetzen baditu.

Zer abantaila du ekimen honetan parte hartzeak?

LOTU Programaren aplikazioak berez dituen abantailez gain, enpresek honako probetxu hauek ere aterako dituzte:

• Enpresari bereizgarri bat emango zaio, "LOTU 2010 Programan parte hartu duen enpresa" LOTU zigilua alegia. Bereizgarri hori publizitate zein merkataritzako helburuekin erabil dezake.

Nola lortu LOTU zigilua bost urrats erraz hauen bidez

1. Programarekin bat egitea
   Web honetatik eskaera bete behar duzue eta posta elektroniko bat bidaliko dizute gainontzeko funtzioetan sartzeko behar dituzun gakoekin.
2. Hasierako autodiagnostikoa betetzea
   Galdeketa informatibo eta erraz baten bidez, enpresak jakin dezake zein den hasierako egoera goitik erortzeko arriskuen inguruan.
3. Informazio-materiala zabaltzea
   Enpresak zabaldu beharko du eskailerei, zuloei eta asto-aldamioei buruzko materiala, urtean hiru aldiz jasoko du informazio hori.
4. Saio informatibo bat egitea
   Saio informatibo labur batera joan beharko da , LOTU programaren hiru arriskuetako bakoitzari buruzkoa (eskailerak, zuloak eta asto-aldamioak). Web honen bidez orientatzeko gidoi bat deskargatu dezake, enpresari laguntzeko modukoa.
5. Amaierako autodiagnostikoa betetzea
   Amaitzeko, beste galdeketa erraz bat bete beharko du LOTUrekin lortutako emaitzak eta hobekuntzak ebaluatu ahal izateko.